1. БИЧИГ БАРИМТ

Гадаад паспортны хугацаа 6 сараас дээш хугацаатай байх.

1. Гадаад паспорт, бичиг баримтны бүрэн бүтэн байдлыг аялагч өөрөө хариуцах үүрэгтэй.

1.2.1 Аялал эхлэхээс өмнө “Иргэний бүртгэл мэдээллийн төв”-өөс бичиг баримтаа шүүлгэж бичиг баримтын зөрчлийг арилгах, зөрчилгүй байх. Түүнтэй холбоотой асуудал гарвал аялагч өөрөө хариуцна.

1.2.2 Гадаад паспортны тамга ууссан, норсон, урагдсан болон балаар эрээчсэн гэх мэт гадаад паспортны бүрэн бүтэн байдал алдагдсан бол хүчингүйд тооцдог тул та шинээр захиалах шаардлагатай.

1.2.3 Сунгалттай гадаад паспорт хүчингүй тул 10 жилийн хугацаатай шинээр захиалах шаардлагатай.

1.2.4 Гоо сайхны хагалгаанд орсон, давхраа оёулсан, биедээ төмөр суулгасан бол эмчийн бичиг заавал авч явах. /Бичгээ англи эсвэл хятад хил дээр орчуулсан байна/

1.2.5 Шинээр гадаад паспорт авсан эсвэл өмнө нь хилээр нэвтэрч байгаагүй бол иргэний үнэмлэхээ заавал авч явна уу.

1.2.6 Нас харгалзахгүй бүх хүн гадаад паспорттой байна.

1.2.7 Аялал эхлэх үед гадаад паспортоо мартсан, орхисон гээгдүүлсэн тохиолдол аяллын төлбөр буцаан олгох боломжгүй.

1.3 18 нас хүрээгүй аялагч нь заавал эцэг эх, асран хамгаалагчтайгаа цуг явах бөгөөд өөрийн төрсний гэрчилгээ, иргэний үнэмлэхийг заавал биетээр авч явна.

1.4 18 нас хүрээгүй аялагч эцэг, эхээсээ өөр асран хамгаалагчтай явж байгаа тохиолдолд итгэмжлэх хийлгэнэ. Итгэмжлэхээ англи эсвэл хятад хэл дээр орчуулж, орчуулгын газрын тамгыг даруулсан байна.

2. ХИЛЭЭР НЭВТРЭХ

2.1 Хил гаалиар нэвтрэхдээ өөр өөрсдийн ачаа тээшээ хажуудаа авч дэс дараатай, дуу шуугиангүй зогсож шалгуулж хилээр нэвтрэх. Хэрэв өөрийн буруугаас болж асуудал гарвал торгуултай ба цаашлаад хилээр нэвтрүүлэхгүйг анхаарна уу

2.2 Хил гаалиар нэвтрэх үед согтууруулах ундаа хэрэглэсэн байж болохгүйг анхаарна уу

2.3 Хилээр гарахад асуудалгүй байх үүднээс хуулийн хүрээнд бичиг баримтаа сайтар шалгах

3. АЯЛАГЧИЙН ҮҮРЭГ

3.1 Та сонгосон аяллын хөтөлбөр, маршруттай сайтар танилцсан байх ба ойлгомжгүй болон бусад нэмэлт мэдээллийг аяллын менежерээс лавлаарай.

3.2 Аялагч та өөрийн эрүүл мэнд болон бусад аялагчдын тав тухыг бодолцон архи, согтууруулах ундааг огт хэрэглэж болохгүйг анхаарна уу.

3.3 Аяллын явцад хэт их ядрах, бие тавгүйтэх зэрэг шинж тэмдэг илэрвэл хөтөчөд яаралтай мэдэгдэнэ үү.

3.4 Аяллын туршид хөтөч, жолоочийн тавьсан шаардлагыг зөвөөр хүлээн авч, машины хөдөлгөөнөөс болгоомжилж зам хөндлөн гарахгүй байх, өөрийн буруутай үйлдлээс гарсан эрсдлийг компани болон хөтөч, жолооч хариуцахгүй.

3.5 Аяллын хөтөлбөр, төлөвлөгдөөгүй маршрутаар группээс дур мэдэн гадуур явах, мансууруулах бодис, согтууруулах ундаа хэрэглэсний улмаас  амь нас, эрүүл мэнд, эд хөрөнгөнд хохирол учирсан, аяллын явцад өөрийн буруугаас гарсан эрүүл мэнд, эд хөрөнгөнд нь хохирол учирсан, аяллын явцад өөрийн буруугаас гарсан аливаа хохирол, зардлыг аялагч өөрөө хариуцна.

 3.6 Группын бүрэлдэхүүнд багтаж байгаа аялагч бусад аялагчдыг хүндэтгэн аялах ба сэтгэл санаа, тав тухтай байдлыг нь алдагдуулахгүй байх

 3.7 Аяллын явцад аялагчийн буруугаас болж гарсан аливаа хохирол тухайлбал: зочид буудал, рестораны эд зүйлийг хагалж эвдэх, зочид буудлын өрөөний түлхүүр, хаалганы картыг үрэгдүүлж гэмтээх, зочид буудлын цагаан хэрэглэлийг урах гэмтээх зэрэг зөрчлийг аялагч өөрөө хариуцна.

3.8 Аялагч өөрийн буруугаас тухайн аяллын унааны тасалбар үрэгдүүлэх, унаанаас хоцрох, ийнхүү хоцорсноос үүдэн гарах аливаа зардал, хохирлыг аялагч өөрөө хариуцна.

3.9 Аялагч өөрийн буруугаас онгоц, автобус, галт тэрэг зэрэг тухайн аяллын унаанаас хоцорсон тохиолдолд үүнээс үүдэн гарах зардал, хохирлыг компани хариуцахгүй, төлбөрийг буцаан олгохгүй.